- Album Intro
- Lyrics
- Album list
- Singer Intro
草屯囝仔
-
亡命之徒(陳樞育 & 李明倉)
Lyricist:陳樞育、李明倉 Composer:陳樞育、李明倉 Arranger:管易昀
這勒故事要從哪裡講起 這是一勒亡命之徒欸路浮浮沉沉 別人安怎看 伊總是不管 遇丟不歡喜欸代誌總是表現不滿 遇到丟灣 個性犽起來丟番 有一種眉角早就落在伊尬電仔之間 人生沒目標 感覺茫渺 伊學不俏 伊麻學不會 代誌抹不掉 刑期判未了 伊欸好兄弟將伊賣掉 一次擱一次欸信任去乎破壞 心情若壞 藥仔歹戒 一晚至少攏要暈八次 忘記嗣大安怎交代 忘記嗣大欸愛 這是什麼世界 想要去一勒所在無人知 無通該 無通哀 將痛苦吞腹內 吞腹內欸痛苦 是誰知道我欸煩惱 誰在痛苦 誰勒每ㄧ勒暗眠睡不好 代價太清楚 你看不丟 有誰知道我感受欸苦楚
青狂欸我 大家攏想跟我拼 亡命欸日子乎我看清現實 我卻不知驚 浮沉人生 亡命之徒欸聲音 卻永遠消失低槍枝刁落欸中欸迴音
這是一勒亡命之徒欸故事 他對自己欸生命並沒有什麼顧錄 擱有為丟金錢伊沒通考慮 擱記得第一次 摸到槍支掛槍籽欸感慨 沒關係多少次 捲下享受尬感受這好壞
別人欸人生像是蛾仔向光飛 阮卻怨嘆走偏人生只有黑沒白 伊想要哭 伊想要跑 但腳踩法律時伊卻學不會 伊學不俏 K盤吐不完 懶惰親像狗 但錢花不完 放蕩欸 生活目珠看丟電仔就躲 放棄欸 青春醋味感覺不擱回去 這勒暗眠伊坐在海邊望著天上欸星 海岸線下面欸海浪聲親像伊複雜欸心 七星一支一支點 偏徒一步一步走 除了金錢尬權利想不到身邊擱剩啥 這段故事 沒結局 擱勒繼續 找尋他人生 失去欸那片快樂
青狂欸我 大家攏想跟我拼 亡命欸日子乎我看清現實 我卻不知驚 浮沉人生 亡命之徒欸聲音 卻永遠消失低槍枝刁落欸中欸迴音
月娘啊 我已經認不出自己 亡命之徒欸名字無人擱在提起 這條黑暗路頂 人講冷清清 我欸心 我欸情 卻都博在兄弟欸志氣
青狂欸我 大家攏想跟我拼 亡命欸日子乎我看清現實 我卻不知驚 浮沉人生 亡命之徒欸聲音 卻永遠消失低槍枝刁落欸中欸迴音
------------------------------------------
《亡命之徒》Bông-bīng Tsi-tôo 草屯囡仔樂團Tsháu-tûn-gín-á Ga̍k-thuân 陳樞育Tân Su-io̍k 李明倉Lí Bîng-tshong
↓↓(RAP)---(RAP)---(RAP)↓↓ 這个故事欲對佗位講起 tsit ê kòo-sū beh tuì tó-uī kóng-khí 這是一个亡命之徒的路浮浮沉沉 tse sī tsi̍t-ê bông-miā-tsi-tôo ê lōo phû-phû-tîm-tîm 別人按怎看 pa̍t-lâng án-tsuánn khuànn 伊總是不管 i tsóng-sī put-kuán 拄著無歡喜的代誌 tú-tio̍h bô huann-hí ê tāi-tsì 總是表現不滿 tsóng-sī piáu-hiān put-buán 拄著轉彎 tú-tio̍h tńg-uan 個性夯起來就番 kò-sìng giâ--khí-lâi tō huan 有一種鋩角 ū tsi̍t-tsióng mê-kak 早就落佇伊佮電仔之間 tsá tiō lo̍h tī i kah tiān-á tsi-kan 人生無目標 jîn-sing bô bo̍k-piau 感覺茫渺 kám-kak bông-biáu 伊學袂巧 i o̍h buē khiáu 伊嘛學袂曉 i mā o̍h buē-hiáu 代誌抹袂掉 tāi-tsì buah bē tiāu 刑期判袂了 hîng-kî phuànn buē liáu 伊的好兄弟將伊賣掉 i ê hó-hiann-tī tsiong i bē-tiāu 一擺閣一擺的信任 tsi̍t-pái koh tsi̍t-pái ê sìn-jīm 去予破壞 khì hōo phò-huāi 心情若䆀 sim-tsîng nā bái 藥仔歹改 io̍h-á pháinn kái 一暗至少攏愛眩八改 tsi̍t-àm tsì-tsió lóng ài hîn peh-kái 袂記得序大按怎交代 buē-kì-tit sī-tuā án-tsuánn kau-tài 袂記得序大的愛 buē-kì-tit sī-tuā ê ài 這是啥物世界 tse sī sánn-mih sè-kài 想欲去一个所在無人知 siūnn-beh khì tsi̍t-ê sóo-tsāi bô-lâng tsai 無通喈 bô-thang kainn 無通哀 bô-thang ai 將痛苦吞腹內 tsiong thòng-khóo thun pak-lāi 吞腹內的痛苦 thun pak-lāi ê thòng-khóo 誰知影啥咧煩惱 sī siáng tsai-iánn siánn leh huân-ló 誰咧痛苦 siáng teh thòng-khóo 誰咧每一个暗暝睏無好 siáng leh muí tsi̍t-ê àm-mî khùn bô hó 代誌做恁看袂著 tāi-tsì tsò lín khuànn bē-tio̍h 有誰知影我感受的苦楚 ū siáng tsai-iánn guá kám-siū ê khóo-tshóo ↑↑(RAP)---(RAP)---(RAP)↑↑
生狂的我 tshenn-kông ê guá Find more lyrics at ※ Mojim.com 逐家攏想欲和我拚 ta̍k-ke lóng siūnn-beh hām guá piànn 亡命的日子 bông-miā ê ji̍t-tsí 予我看清現實 hōo guá khuànn tshing hiān-si̍t 我煞毋知驚 guá suah m̄-tsai kiann 浮沉人生 phû-tîm jîn-sing 亡命之徒的聲音 bông-miā tsi-tôo ê siann-im 煞永遠消失 suah íng-uán siau-sit 佇銃枝雕落中的回音 tī tshìng-ki tiau lo̍h tiong ê huê-im
↓↓(RAP)---(RAP)---(RAP)↓↓ 這是一个亡命之徒的故事 tse sī tsi̍t-ê bông-miā-tsi-tôo ê kòo-sū 伊對家己的性命 i tuì ka-tī ê sènn-miā 並無啥物顧慮 pīng bô-sánn-mih kòo-lū 閣有為著金錢無通考慮 koh ū uī-tio̍h kim-tsînn bô-thang khó-lū 閣會記得第一改 koh ē-kì-tit tē-it kái 摸著銃支括銃子的感慨 bong tio̍h tshìng-ki kuah tshìng-tsí ê kám-khài 開偌緊偌濟改 khai guā kín guā-tsē kái 搩落去享受佮感受這好䆀 kiat--lueh hiáng-siū kah kám-siū tse hó-pháinn 別人的人生 pa̍t-lâng ê jîn-sing 親像蛾仔向光飛 tshiūnn sī ia̍h-á hiòng kng pue 阮煞怨嘆走偏的人生 gún suah uàn-thàn tsáu-phian ê jîn-sing 只有烏無白 tsí-ū oo bô pe̍h 伊想欲吼 i siūnn-beh háu 伊想欲走 i siūnn-beh tsáu 但跤踏法律時 nā kha ta̍h huat-lu̍t sî 伊煞學袂曉 i suah o̍h bē-hiáu 伊學袂巧 i o̍h bē khiáu 閣黜袂了 koh thuh bē liáu 敢若親像狗 kán-ná tshin-tshiūnn káu 但錢開袂了 tān tsînn khai bē liáu 放蕩的生活 hòng-tōng ê sing-ua̍h 目睭看著電仔就覕 ba̍k-tsiu khuànn-tio̍h tiān-á tiō bih 放棄的青春趣味 hòng-khì ê tshing-tshun tshù-bī 感覺袂閣轉去 kám-kak bē koh tńg--khì 這个暗暝 tsit ê àm-mî 伊坐佇海邊 i tsē tī hái-pinn 望著天頂的星 bāng tio̍h thinn-tíng ê tshinn 海岸線下面的海湧聲 hái-huānn-suànn ē-bīn ê hái-íng siann 親像複雜的心 tshin-tshiūnn ho̍k-tsa̍p ê sim 七星一枝一枝點 Tshit-tshenn tsi̍t-ki tsi̍t-ki tiám 偏途一步一步行 phian-tôo tsi̍t-pōo tsi̍t-pōo kiânn 除了金錢佮權利 tû-liáu kim-tsînn kah khuân-lī 想袂著身邊閣賰啥 siūnn bē tio̍h sin-pinn koh tshun siánn 這段故事無結局 tsit tuānn kòo-sū bô kiat-kio̍k 閣咧繼續 koh leh kè-sio̍k 走揣伊人生 tsáu-tshuē i jîn-sing 失去的彼片快樂 sit-khì ê hit phiàn khuài-lo̍k ↑↑(RAP)---(RAP)---(RAP)↑↑
生狂的我 tshenn-kông ê guá 逐家攏想欲和我拚 ta̍k-ke lóng siūnn-beh hām guá piànn 亡命的日子 bông-miā ê ji̍t-tsí 予我看清現實 hōo guá khuànn tshing hiān-si̍t 我煞毋知驚 guá suah m̄-tsai kiann 浮沉人生 phû-tîm jîn-sing 亡命之徒的聲音 bông-miā-tsi-tôo ê siann-im 煞永遠消失 suah íng-uán siau-sit 佇銃枝雕落中的回音 tī tshìng-ki tiau lo̍h tiong ê huê-im
月娘啊 gue̍h-niû--ah 我已經認袂出自己 guá í-king jīn bē tshut tsū-kī 亡命之徒的名字 bông-miā-tsi-tôo ê miâ-jī 無人閣再提起 bô-lâng koh-tsài thê-khí 這條烏暗的路頂 tsit tiâu oo-àm ê lōo tíng 人講冷清清 lâng kóng líng-tshing-tshing 我的心 guá ê sim 我的情 guá ê tsîng 煞攏跋佇兄弟的志氣 suah lóng pua̍h tī hiann-tī ê tsì-khì
生狂的我 tshenn-kông ê guá 逐家攏想欲和我拚 ta̍k-ke lóng siūnn-beh hām guá piànn 亡命的日子 bông-miā ê ji̍t-tsí 予我看清現實 hōo guá khuànn tshing hiān-si̍t 我煞毋知驚 guá suah m̄-tsai kiann 浮沉人生 phû-tîm jîn-sing 亡命之徒的聲音 bông-miā-tsi-tôo ê siann-im 煞永遠消失 suah íng-uán siau-sit 佇銃枝雕落中的回音 tī tshìng-ki tiau lo̍h tiong ê huê-im
- Special thanks to W.B. Chen for correcting the lyric.
- Related Links: W.B. Chen
|